BR LA UNION – Ibilbilang ita ni Vice President Sara Duterte a ti naaramid a kellaat a panag-rally ti Iglesia Ni Cristo idiay EDSA White Plains.
Kinuna na a ti nasao a tignay protesta ket mangipakpakita ti nabayagen nga arungaing na sipud pay idi 2024.
Innayon ti Bise Presidente a mangipaneknek laeng a ti agdama nga administrasyon ket addaan ti nakapsot a panangimaton.
Kinuna na a saan a masungsungbatan ken bigbigen ti gobyerno iti pudpudno a problema ti umili.
Sumagmamano kadagiti dinakamat na ket iti agtultuloy a panagngato ti presyo dagiti gagatangen, kinakurang ti trabaho ken agtaltalinaed nga awan ti maipagarop a pakaseknan ni President Ferdinand Marcos iti arungaing dagiti umili.
Inakusaran pay ti Bise Presidente iti Marcos administration nga us-usarenna ti justice system tapno kaswan ken ipabalud amin nga indibidwal a mangbab-babalaw iti gobyerno.
Maipalagip a sumagmamano a ribo nga INC members ti kellaat a nangisayangkat ti tignay protesta iti kawatiwatan ti EDSA -White Plains maysa nga aldaw sakbay nga inyanunsiyo ti Office of the Ombudsman nga isag-sagana dan iti kasong plunder kontra kenni Senator Rodante Marcoleta.
