Impeksa ni Bise Presidente Sara Duterte a nakadependir pay nu dumar-ay isuna iti impeachment trial kalpasan a dakamaten iti House prosecution a posible isuna a maipasango kas testigo.
Segun kenkuana, awan pay iti naaw-awat na a subpoena ken ibilbilang na kas ‘appearance’ ken partisipasyon iti proseso ti panagsango dagiti abogado na sadiay Senado.
Agsagsagana metten iti kampo na apaman maipasango kas hostile witness ti kabsat na a ni Davao City Mayor Sebastian “Baste” Duterte.
Segun iti defense lawyer a ni Justin Gular, naawat dan iti subpoena para kenni Mayor Baste, a nabilin a sumango kas testigo ti House prosecution, alas-10 iti bigat, manipud Setyembre 28 agingga 30.
Nabilin ni Mayor Baste a mangipaay iti testimonya mainaig kadagiti ammo na iti impeachment case kontra iti kabsat na a Bise Presidente.
