Kinontra ni incoming Mamamayang Liberal wenno ML Party-list Representative Leila de Lima ti waragawag ni Vice President Sara Duterte a “persecution ken crucifixion” wenno panaggipit ken panangilansa kenkuana iti krus nga indasig na mainaig ti impeachment case.
Kinuna ni De Lima, maysa kadagiti agserbi kas miembro ti House Prosecution Team iti 20th Congress nga adda ti basaran dagiti amin nga Articles of Impeachment kontra ti Bise Presidente ken saan nga imbento laeng dagitoy.
Indasig na met a saan a kas iti napasamak kenkuna idi napalabas nga administrasyon Duterte a napilaan isuna kadagiti nagduduma a kaso a mainaig iti droga.
Segun iti sigud a senadora, ti napateg ita ket pagsungbatan ti bise presidente alegasyon ken ilawlawag dagiti ebidensyang a napartuat babaen ti imbestigasyon ti House Committee on Good Government and Public Accountability.
