Kinontra ni Vice President Sara Duterte iti plano ti Philippine National Police (PNP) a mangikabil ti presensya dagiti pulis kadagiti kakalsadaan.
Kinuna ti Bise Presidente a daan la unayen ti nasao nga addang bayat itan ket sarsarungkaranen ti pagilian dagiti kabaroan a teknolohiya.
Inlasin na met ti panangusar kadagiti kabaroan nga alikamen dagiti pulis tapno gibusen ti krimen kas iti panangaramat kadagiti drones ken robots.
Ti kinakurang nga upgrades kadagiti arawaten ti kapulisan ditoy Pilipinas ket nabayagen a problema isu ket kinunana a nasken daitoy a matutokan.
Maipalagip nga inwaragawag ni PNP chief Nicolas Torre III a rumbeng nga adda kadagiti kakalsadaan dagiti pulis nu kasta ket makaresponde da nga insigida iti las-ud ti lima a minutos.
