BR LA UNION – Simmungbat ni Vice President Sara Duterte iti nagbalin a waragawag ni 1st District La Union Rep. Paolo Ortega V kadagiti baro a nagan a dinakamat ti opisyal kas ‘Team Amoy Asim’ nga agpar-parang a maysa kadagiti nakaawat ti confidential funds a maipagarop a naggapu iti opisina ti Office of the Vice President (OVP).
Segun iti Bise Presidente, naipila ti impeachment case kontra kenkuana ken addan daytoy iti opisina ti senado ket mabalinda nga ibaga ti kayatda nga ibaga maipapan iti daytoy.
Gaputi dayta, kinuna met ti bise presidente nga iti biang na, nagsumiten ni Davao Del Norte Rep. Pantaleon Alvarez ti kaso a graft kontra kenni House Speaker Ferdinand Martin Romualdez idu bulan ti Pebrero tapno talantanen ti budget ken no ania ti napasamak iti pakabuklan daytoy.
Linaun iti indatag a reklamo ni Alvarez dagiti constitutional infirmity ken iregularidad iti budget, isunga karbenganna met ngarud kunana nga ipeksa ti kayatna nga ibaga.
Kabayatanna, impaganetget ti opisyal, a ti panangbabalawna ti aramid ti lower house kadagiti umili, ket saan a kaipapanan a nasken a sumungbat kadagiti ibagbaga da maipapan kenkuana.
