Nagbuwelta ni Bise Presidente Sara Duterte kenni Kabataan Partylist Representative Raoul Manuel kalpasan nga impalgak ti mammanday-linteg no kasano a nagastos ti Department of Education iti confidential fund idi panawen ti maikadua a Presidente.
Basar iti presentasion ni Manuel, impakitana dagiti wagas nga impatungpal ti DepEd.
Kinuna ni Manuel a ti panagusar ti Deped iti confidential funds ket aggapu iti nadumaduma a units ti Armed Forces of the Philippines (AFP) ken dagiti aktibidadda kas youth leadership summit ken information education campaigns.
Simmungbat ni VP Sara ket inwaragawagna a paset ti patriotic bloc lawmaker ti CPP NPA.
Dinamag pay ni Manuel no nangisubmitir ti DepEd iti accomplishment report para iti 2023 confidential funds iti Senado ken iti Office of the speaker ngem saan a sinungbatan ti maikadua a presidente.
Impaganetget ni Manuel a saan koma a liklikan ni VP Sara dagiti nadakamat a saludsod agsipud ta idi panawenna ket naikkan ti confidential ken intelligence funds ti OVP ken DepEd nga sigud ket awan.
Impaganetget ni VP Sara a ti itatabunona iti budget briefing ket tapno idatagna ti national budget na para inton sumaruno a tawen.
