Impalgak ti sigud a senador ken Representative-elect Leila de Lima iti Mamamayang Liberal Partylist a mabuteng ni Vice President Sara Duterte a maaddaan iti full-blown investigation agsipud ta rumuar dagiti ebidensya a mangpaneknek kadagiti panagbiddut na iti panaggastar ti confidential funds.
Kinuna ni De Lima a daitoy iti eksplansayon iti koordinado nga estratehiya tapno itantan wenno lappedan iti proseso ti Senado pakairamanan dagiti panangipila ti legal a mosyon, panagbiahe kadagiti nagduduma a pagilian, ken panangaramat ti desisyon ti Ombudsman tapno nasapa paylaeng ket maipasardengen iti panagdengngeg.
“This is really cause for concern kasi ang pinaka-objective is hangga’t maaari hindi dapat magkaroon ng trial proper. Hangga’t maaari hindi dapat lumabas ang mga ebidensya,” waragawag ni De Lima.
Idi nabiit pay ket binilin ti Office of the Ombudsman, babaen ti panangidaulo ti appointee ni sigud a presidente Rodrigo Roa Duterte a ni Samuel Martires iti Bise Presidente a mangisubmitir ti sungbat kadagiti kaso na a plunder, technical malversation, ken dadduma pay, kas maibasar ti House Committee on Good Government.
Daitoy a paammilin ket naipaulog sumagmamano a lawas kalpasan nga inruar ti Kamara ti Articles of Impeachment nga ita ket addan sadiay Senado. Inlawlawag ni De Lima a nu ibasura ti Ombudsman iti reklamo ket mabalin a mausar daitoy tapno mapakapsot iti kaso sadiay prosekusyon.
Sakbayna ket ginandat met nga ipa-dismiss ni Senador Ronald dela Rosa ti articles of impeachment ngem kamaudiananna ket impasubli lattan ti Senado dagiti dokumento idiay Kamara. Nainget met a binabalaw dagiti legal experts ti addan ken imbilang pay ti House prosecution kas klase ti delaying tactic.
Nangisubmitir pay ti kampo ni Vice President Duterte ti appearance “ad cautelam” sadiay impeachment court a mangipakpakita ti posibilidad kadagiti sumaganad pay a procedural challenges.
Impunto ni De Lima a dagiti nagsasaruno nga aksyon manipud ti kellaat a pammilin ti Ombudsman a mangisubmitir ti counter-affidavit agingga petisyon idiay Korte Suprema a nangkuwestyon iti Articles of Impeachment, ket makitkitaan iti pattern.
Binabalaw pay ti Representante iti agtultuloy a panaglangan ni VP Sara ken panagturong kadagiti nagduduma a pagilian laksid ti kumarkaro a legal a saritaan ditoy Pilipinas.
Kumpirmado metten kunana a ti Articles of Impeachment ket addaan kadagiti alegasyon nga adda pakainaigan na kadagiti transaksiyon ti bangko ken panangaramat ti peke a dokumento iti liquidation ti pondo ti pagilian.
Innayon na pay nga arig na us-usaren ti Bise Presidente ti kapada a legal ken public relations kas estratehiya tapno kontrolen ti naratibo ken ken guloen ti proseso.
