BR LA UNION – Inimpeach ti Kamara de Representantes ni Vice President Sara Duterte iti maikadwa a gundaway.
Daytoy ket kalpasan a nagbotos a pabor dagiti 255 kongresista, 26 ti kimmontra ken 9 ti nag-abstain.
Dagiti nagbalin a basaran tapno i-impeach ni VP Sara ket dagiti kaso a culpable violation of the Constitution, graft and corruption, betrayal of public trust, bribery ken dadduma pay a high crimes.
Ti bilang dagiti mammanday linteg a nagbotos a pabor tapno ma-impeach iti Bise Presidente ket nalab-labes ngem ti 106 a kasapolan a botos, maiyannurot iti konstitusyon.
Iti sponsorhsip na ti Articles of Impeachment, imbaga ni Justice Committee chair ken Batangas Rep. Gerville Luistro a rumbeng nga ipalawag ni VP Sara iti P6.7 billion a bank transactions na ken asawa na a ni Atty. Manases Carpio, a nakadeklara iti joint filing ti Statement of Assets, Liabilities and Net Worth (SALN).
Impaganetget pay ni Luistro a ti Articles of Impeachment ket naibasar iti ebidensiya, a saan ketdi a chismiss laeng.
