Imbatad ti Malacañang a rumbeng nga agpalawag ni Bise Presidente Sara Duterte iti timpuar a report mainaig ti mano a daras a panagsarungkar-na iti Camp Bagong Diwa tapno bisitaen iti detainee a ni Ramil Madriaga.
Segun kenni Palace Press Officer Claire Castro, awan pay iti naawat ti Malacañang nga aniaman nga opisial a report manipud ti BJMP wenno DILG tapno pasingkedan iti nasao nga alegasion.
Nupay kasta, impaganetget ni Castro a rumbeng nga iti Bise Presidente iti rumbeng a madamag.
Sungbat daytoy ni Castro iti saludsod mainaig iti social media post a maipagarup a namin-adu a daras nga simmarungkar ni VP Sara kenni Madriaga ken kiniddaw a saan nga agsarita maipanggep iti maipagarup a panagkukumplot dagiti Duterte kadagiti POGO operators ken drug lords.
Iti napalabas nga aldaw, nagwaras iti maipagarup a sinapataan a salaysay ni Madriaga a mangibagbaga a nagtaud kadagiti POGO ken drug lords iti campaign funds nga inusar ti Bise Presidente idi 2022 elections.
Naammuan nga aginggana ita ket agul-ulimek iti kampo ti Bise maipanggep iti nasao nga issue.#
