Imbatad ni Vice President Sara Duterte ti panagsuporta na kadagiti dua a singasing a gakat a nga impila dagiti kaalyado na nga isuda Senator Robin Padilla ken Senator Imee Marcos.
Panggep ti Senate Bill No. 2766 wenno Comprehensive Anti-Discrimination Act ken ti Senate Bill No. 449 wenno Civil Union Act a masalakniban dagiti karbengan ti LGBTQIA+ community.
Inaramid ti Bise Presidente iti waragawag ti naangay nga event sadiay Office of the Vice President, nu sadino ket kinunana nga ita iti umiso a panawen tapno agbalin dagitoy a linteg ken makaipaay ti proteksyon kontra diskriminasyon. Innayon na pay a ti singasing ket maysa nga universal obligation a rumbeng laeng nga agbalin a linteg.
Nupay kasta, idi nadamag ti Bise mainaig met iti SOGIESC Equality Bill ni Sen. Risa Hontiveros ket nagkedked daitoy a mangipaay ti komento ken innayon a dagiti singasing na ket dimmalan ti legal team ti opisina na.
Kabayatanna, inwaragawag na pay ti pannakabukel ti National LGBTQIA+ Commission, maysa nga ahensya a mangitandudo kadagiti polisiya ken programa para kadagiti pagsyaatan ti LGBTQIA+ sector, nangruna kadagiti agtutubo.
