Kinimmeg iti nagtipon a puwersa ti Aringay Police, Criminal Investigation Detection Group La Union, ken Criminal Investigation Detection Group Ilocos Norte ti maysa a wanted person idiay Barangay San Benito Sur, Aringay, La Union.
Nabigbig daytoy a ni Jayedais Vida Vanquiray, 22, awanan trabaho, residente ti nasao a lugar.
Natiliw ti suspek babaen iti bileg ti warrant of arrest nga impaulog ni Acting Presiding Judge Nida Alejandro ti Regional Trial Court Branch 11, Laoag City gapu iti kaso na a RA 7610 wenno Child Abuse.
Iti agdama, agtaltalinaed pay laeng iti pagbaludan ti suspek para iti naan-anay a disposiyon.
