LA UNION – Iti mismo a Balaoan Municipal Cemetery idiay Balaoan, La Union a kinemmeg dagiti otoridad iti maysa a wanted person nga addaan ti kaso a frustrated murder.
Babaen iti bileg ti maysa a warrant of arrest, addaan ti petsa a Sept. 21, 2018 nga inyisyu ni Hon Judge Ethelwolda Jaravata ti RTC Br 34 idiay ili ti Balaoan ket nakemmeg iti suspek a ni Celso Orpia, 46, baro ken residente ti Barangay Pantar Norte, Bangar, La Union.
Maipagarop a saan metten a nagkedked iti subject person ket dagus a simmurot kadagiti arresting officers tapno maiturong daytoy iti police station ken sangwen iti kaso daytoy.
