Agtalek ni Ombudsman Jesus Crispin Remulla a kadagiti sumarsaruno a dua a lawas ket mairuaren dagiti warrant of arrests kontra kadagiti Senador a karaman iti flood control anomalies.
Daytoy iti kinuna ti Ombudsman gapo iti posibilidad a mairuar dagiti dadduma a warrants kasaruno ti naipaulog a warrant of arrest ni sigud nga Ako-Bicol Partylist representative Zaldy Co.
Sumagmamano kadagiti posible a mairuar ket iti warrant of arrest ni sigud a Senador Ramon Revilla gapu ta nabayagen a maim-imbestigaran isuna
Malagip a karaman iti nagan ti sigud a Senador nga inrekomendar ti Independent Commission on Infrastructure (ICI) a makasuan iti Office of the Ombudsman gapu iti pannakairamanna iti nasao nga anomalia.#
