BR LA UNION – Arestado ti maysa water delivery boy iti anti-illegal drug buy-bust operation nga impatungpal ti nagtipon a puwersa dagiti otoridad idiay Barangay Catbangen, City of San Fernando, La Union pasado alas 11:00 idi rabii, Agosto 17, 2025.
Ti suspek ket agtawen ti 23, baro, residente ti Purok 6, Barangay San Francisco ditoy siyudad.
Nakumpiskar dagiti otoridad manipud iti ikot ti suspek dagiti sumaganad:
- maysa (1) a pidaso ti heat-sealed transparent plastic sachet ti maipagarop a shabu, mapatta-patta nga agdagsen ti 0.5 gram ken addaan ti estimated SDP value a Php 3,400.00 (nailako)
- maysa (1) a genuine One-Thousand-Peso bill, addaan ti Serial Number CF581034, nagserbi a buy-bust money (narekober)
Naipatungpal ti umno a proseso iti naisayangkat nga operasyon babaen iti panangimatang dagiti nagserbi a witness ken nai-rekord babaen ti Body-Worn Camera dagiti otoridad.
Naiturong ti suspek iti City Health and Wellness Center para iti medico-legal examination sakbay a naipasidong iti City of San Fernando Police Station para iti umiso a disposisyon.
Sumangsango ti suspek iti kaso a panaglabsing ti RA 9165 wenno Comprehensive Dangerous Drugs Act of 2002.
