LA UNION – Mapatta-patta a sumrek ti low-pressure area (LPA) iti Philippine area of responsibility (PAR) inton malem wenno rabii ket mabukel a bagyo iti sumaganad a 24 nga oras.
Naudi a nasaripatpatan ti Philippine Atmospheric, Geophysical, and Astronomical Services Administration (Pagasa) iti nasao nga LPA iti kaadayu a 1,395 kilometers daya ti southeastern Luzon.
Segun kenni Pagasa weather specialist Grace Castañeda, iti LPA ket posible nga agbalin a bagyo ita a malem ti Domingo wenno Lunes, October 21, ket nu sumrek iti PAR, maawagan daytoy a bagyo “Kristine.”
Kinuna ni Castaneda, posible nga umuna a dupagenna iti asideg ti eastern ken northern portion ti Central Luzon ken dackel pay ti posibilidad nga ag-landfall iti nasao met laeng a rehiyon.
Nupay kasta, kinuna na, a saan pay nga ammo ti eksakto a track wenno pagnaan ti bagyo, nangruna ket saan pay met a na-develop a tropical depression wenno bagyo.
Binalakadan ni Castañeda iti publiko nga itultuloy nga imonitor iti PAGASA updates maipapan iti nasao a weather disturbance.
Kabayatanna, iti trough wenno extension ti LPA iti mangigubway ti mawaras-waras a panagtudo ken panaggarru-od idiay Cagayan, Isabela, Aurora, ken Quezon.
Mapatto-pattok met a panagtudo wenno panaggarru-od ti mapasaran idiay Eastern Visayas ken Bicol Region, gaputi trough wenno extension ti LPA.
Kabayatanna, iti intertropical convergence zone (ITCZ), iti mangigubway ti nakuyem a panawen ken mawaras-waras a panagtudo ken panaggarru-od idiay Zamboanga Peninsula, Bangsamoro Autonomous Region in Muslim Mindanao, Sultan Kudarat, Sarangani, ken Palawan.
Iti nabatbati a paset ti pagilian ket makapadas ti nalulem a panawen, a mabuyogan ti mapatto-pattok a panagtudo gaputi localized thunderstorms.
Imballaag ti PAGASA iti posible a panaglayos wenno landslide nu adda iti napigsa a panagtudo.
