Agtultuloy iti magungun-od pammadayaw dagiti weightlifters a sinasanay ni Olympic gold medalist Hidilyn Diaz-Naranjo iti Batang Pinoy idiay Puerto Princesa, Palawan.
Nangidaulo ditoy ni Adonis Ramos iti boys 16-17 55kgs category nu sadino ket nabaelan na iti 185 kgs lift.
Sumagmamano nga kakadwa na ket isuda Maybell Riones iti girls 12-13 , 35 kg. class; Reyandine Marie Jimenez iti girls 12-13, 40 kgs. class ken Matthew Diaz iti boys 12-13 -43 kgs.
Dagitoy ket nakagun-od iti uppat a balitok, innem a silvers ken maysa a bronze.
Kadwa ni Hidilyn ti asawa na a ni Julius iti panangtraining kadagiti agtutubo iti impatakder da a gym sadiay Jala-Jala, Rizal.
Kinuna ni Naranjo, a naaddaan ti interes dagiti agtutubo a makipaset ti weightlifting manipud idi nagballigi ti balitok a medalya ni Hidilyn iti Olympics.
Maragsakan met daitoy iti panag-adu dagiti agtutubo a makipaspaset ti weightlifting iti Batang Pinoy nu idasig idi panawen na, nu sadino ket maymaysa na a sumalsali iti kakastoy a kompetisyon.
