Mangrugin inton bigat, Mayo 24 ti maika-65 a Palarong Pambansa sadiay Ferdinand E. Marcos Memorial Stadium (FEMMS), Laoag City, Ilocos Norte ken maysa kadagiti mangidaulo ti opening program ket ti Olympic gold medalist a ni Hidilyn Diaz.
Agtitipon ti pakabuklan a 15,675 a delegado ken opisyales manipud 17 a rehiyon ti Pilipinas, National Academy of Sports (NAS), Philippine Schools Overseas (PSO), ken National Technical Working Group para ti makalawas nga Olympiada.
Manamnama met a mangipaay mismo ti mensahe ni Presidente Ferdinand Marcos Junior ti panaglukat iti Palarong Pambansa 2025 tapno ipadanon ti kinapateg para kadagiti agtutubo ti sports ken palakasan para ti panangbukel ti pagilian.
Kabayatanna, ni Olympic champion Hidilyn Diaz ti mangidaulo ti Panunumpa dagiti coaches ken technical officials nu sadino ket mangrugi iti opening ceremony iti alas singko iti bigat babaen ti parada dagiti atleta.
Idauloan met ni Gerick Jhon Flores ti ‘Panunumpa ng Atleta’, maysa a baseball player ken record-holder ti 11th BFA U12 Asian Baseball Championship.
Para met iti lighting of torch, ti mangidaulo ket dagiti atleta nga isuda Jemmuelle James Espiritu (Archery), Mark Anthony Domingo (Athletics), Jesson Cid (Decathlon), Roger Tapia (Para-athletics), ken Eric Ang (Trap Shooting).
