BR LA UNION – Inkari ni Presidente Ferdinand R. Marcos Jr. nga ipaayna ti naan-anay a suporta kadagiti atleta a Pilipino kalpasan a pormal a nalukatan ti maika-65 a Palarong Pambansa iti Ferdinand E. Marcos Sr. Memorial Stadium idiay Laoag City, Ilocos Norte idi kalman, Mayo 24, 2025.
Segun kenni Pres. Marcos, agingga iti kabaelanda, aramidenda amin a kabaelanda tapno matulongan dagiti agtutubo nga agbalin a nalaing nga agay-ayam ken para iti mas nalaw-lawa nga oportunidad iti int’l. competitions.
Kinunana a kanayon a nakasuporta ti gobierno gaputa iti balligi dagiti atleta a Pilipino ket balligi metten ti pagilian.
Innayon ti Presidente a mangabak man wenno maabak, maibilangda latta a kampeon gaputi nakaskasdaaw a kinalaingda iti isports ken dedikasyon a mangabak iti kompetisyon.
Kabayatanna, binalakadan ni Marcos dagiti atleta nga aywanan ti salun-at ken itultuloy a tungpalen dagiti arapaap agingga a maragpat ti balligi.
Kinunana pay nga iti masakbayan ket mabalin a mangibagi ti dadduma kadagitoy iti pagilian kadagiti international competitions.
Tampok iti Palarong Pambansa ita a tawen iti 24 a regular nga isport, kabilang iti athletics, basketball, volleyball, gymnastics, taekwondo, ken swimming.
Nasurok kumurang a 15,000 delegado manipud iti 20 athletic associations, kabilang ti 18 a rehiyon ti pagilian, maysa a National Academy of Sports, ken maysa a Philippine Overseas Schools, iti makipaset manipud Mayo 25 agingga 30.
