Naisublin ti sports a weightlifting iti Palarong Pambansa ng Pilipinas.
Segun kenni Samahang Weightlifting ng Pilipinas president Monico Puentevella, nagbalin a napintas ti resulta ti nagbalin a pannakipatang da ti 15 a tawen tapno mairaman ti sports a weightlifting iti Palarong Pambansa a maangay manipud Mayo 24 agingga Hunyo 2 sadiay Laoag, Ilocos Norte.
Innayon na a timmulong pay mismo ni Olympic gold medalist Hidilyn Diaz Naranjo para ti pannakaisubli ti sport.
Mangnamnama met isuna a suroten ti Commission on Higher Education ti addang nu kasta ket makabirok ti pagilian kadagiti makisalip para kadagiti masakbayan nga international sporting events.
Pinagyamanan ni Puentevilla ni Department of Education Secretary Sonny Angara gapo iti panangiraman na ti weightlifting.
Apaman a makatulong dagiti lokal a gobierno ti panaggatang kadagiti mausar dagiti atleta, impasiguro ti grupo nga ad-adu pay a balitok a medalya ti maiyawid ti Pilipinas kadagiti sumaganad nga Olympiada.
