Tarigagay a papigsaen ti health authorities ti Democratic Republic of Congo, babaen metten ti tulong ti World Health Organization (WHO), ti emergency response da kontra anthrax outbreak nga addaanen ti 16 a kaso ken maysa a kumpirmado a kaso sadiay North Kivu Province.
Adda pakainaigan ti outbreak iti kaso idiay Uganda a nakaapektaran dagiti uppat a health zones idiay Lake Edward, isu ket madama a maisaysayangkat iti livestock vaccination ken dadduma pay a preventive measures iti lugar.
Mangar-aramid metten ti WHO ti risk assessment tapno madakamat ti lawa iti panagwaras ti impeksyon kasta met iti suporta para ti surveillance, imbestigasyon, medical supplies, ken panagagas kadagiti apektado.
Babaen ti One Health approach, makikokoordinar ti WHO iti gobierno ken dadduma pay nga organisasyon tapno malapdan ti panagwaras ti anthrax kadagiti tao, ayop, ken aglawlaw.
Maisaysayangkat ti panagbakuna ken umiso a disposisyon iti bangkay ti ayup tapno maliklikan ti impeksyon, bayat nga agtultuloy met ti awareness campaign ti organisasyon para ti pakaammo iti publiko.
