Agingga iti pito nga insidente ti wildfire ti nairekord iti maikadua nga aldaw sipud idi nangrugi ti uram idiay Los Angeles, California USA idi Enero 8.
Karaman kadagiti nairekord nga insidente ti wildfire idiay LA ket ti Olivas fire, Hurst fire, Woodley fire, Lidia fire, Sunset fire ken ti kadakkelan kadagitoy ket ti Palisades fire ken Eaton fire a dandani 27,000 nga ektaria ti kalawa ti uram da.
Agarup 137,000 a tattao ti puersado a naibakwit manipud iti dua a lugar a kinayamkamen ti wildfire.
Ti wildfire idiay Hurst Fire ket nangrugi sadiay Sylmar iti amianan a paset ti San Fernando bayat nga ti Sunset Fire ket maysa kadagiti kaudian a napartuat nga wildfire sadiay Hollywood Hills, asideg ti Runyon Canyon.
Gapu iti daytoy, sumagmamano met a balay dagiti nalatak a tattao ti Hollywood ti inibus ti wildfire ket kinasapulan da ti maibakwit.
Karaman kadagiti nauram ti pagtaengan da ket dagiti nalalatak a personalidad ti Hollywood: ti US star actress a ni Mandy Moore, ti Malibu house ni Paris Hilton, ti $6.5 million Los Angeles property ti US actor/couple nga isuda Leighton Meester ken Adam Brody, ti multimillion dollar mansion ti Hollywood star a ni Anna Faris, kasta met dagiti properties sadiay Pacific Palisades
ti aktor nga isuda Miles Teller ken Eugene Levy, komedyante nga ni Billy Crystal, Oscar winner a ni Anthony Hopkins ken dadduma pay nga Hollywood stars.
Naipadamag pay a mabalin a mapilitan nga umakar ti Duke ken Duchess of Sussex nga isuda Prince Harry ken Meghan Markle manipud iti pagtaenganda idiay Montecito, California gapo iti power outages ken evacuation sadiay no bilang nga agwaras pay ti wildfire.
Kabayatanna, mapaspasaran met dagiti bombero idiay LA ti kinakurang ti danum tapno sebseban dagiti wildfires nu sadiay ti sumagmamano kadagiti kakaisuna nga alternatibo a pagtaudan ti danum ket manipud pay kadagiti swimming pools ken waig.
Nasapsapa a pinasingkedan dagiti otoridad a lima nga tattao ti natay bayat a nasurok a 100,000 nga umili ti napilitan nga agbakwit manipud iti Eaton fire ken 37,000 ti naibakuit gapu Palisades inferno.
Immuna a napartuat ti wildfire idiay Palisades idi Martes, a maibilang a kadadaksan iti pakasaritaan ti LA.
