Impasiguro ni Energy OIC Secretary Sharon Garin a nakasaganan ti gobyerno ti Pilipinas para iti worst case scenario seknan ti gyera ti Iran ken Israel nanagruna ti panagngato ti presyo dagiti produkto a petrolyo iti sangalubongan a merkado.
Kinuna ni Garin nga ita ket awan pay ti rumbeng a pagdanagan agsipud ta bimmaba met ti presyo ti langis ti agingga $69 iti kada bariles. Mangnamnama met dagiti economic managers nga agtultuloyen ti panagbaba ti presyo daitoy.
Impaganetget na iti addang ta ti gobierno a sagsaganaan iti worst case scenario, partikular ti posible a pannakaibus ti supply nga agreslta iti panagsirit iti presyo.
Innayon na nga adda iti long term solutions iti gobierno nu sadino ket maikonkonsidera dagiti sabali pay a pagtaudan wenno supplier kas iti Estados Unidos, Canada, Brazil, ken dadduma pay a pagilian.
Ti agbalin met a base line para ti panangideklara ti state of emergency ti Department of Energy ket nu dumanonen ti $80 per barrel ti presyo ti langis iti world market.
Impadamag ti ahensiya nga iti agdama ket adda pay ti 30 days buffer stock ti Pilipinas kasta met nga pagduaduaan pay ni Garin nu maipaserra a talaga ti Straight of Hormuz agsipud ta mailabsing daitoy ti interes dagiti adda sadiay Middle East ken intero a lubong.
