Impila ti maysa a grupo ti petisyon a Writ for Certiorari and Prohibition kontra Maritime Industry Authority wenno MARINA.
Insubmitir daitoy ti Philippine Inter-Island Shipping Association Incorporated (PISA) sadiay Manila Regional Trial Court tapno ipadanon ti korte iti reklamo da.
Karaman kadagitoy ti panagkararag ti kaadda ti Temporary Restraining Order (TRO) ken Writ of Preliminary Injuction tapno kontraen ti inruar nga abiso ti MARINA.
Nainget da a kumonkontra ti MARINA Advisory No. 2023-18, 2023-28, ken 2025-01 a kunada a mailabsing ti domestic maritime regulations ken international safety standards.
Impaganetget ti grupo a ti laeng certified ken classified vessels a passenger service ti mabalin nga agisakay ti pasahero kas nakailanad ti Section 8, MARINA Circular 2003-007 ken Domestic Shipping Development Act of 2004.
Inlawlawag da pay a ti Landing Craft Tanks (LCTs) ket nasken a nakapamaysa laeng kadagiti cargos ken lugan agsipud ta kurang ti passenger safety features dagitoy.
Kabayatanna, uray dagiti technical standards a kasapulan sakbay nga agsakay dagiti pasahero tapno agbalin nga passenger vessels ket saan latta a kwalipikado.
Mamati ti grupo nga awan ti kinasiguro ti kinatalged dagiti agsakay ti Landing Craft Tanks agsipud ta agkurkurang ti lufesaving equipments ken emergency preparedness da.
Kiniddaw da babaen ti petisyon a maipatalnan wenno mangiruar ti korte iti TRO ken Writ of Preliminary Injunction tapno malapdan ti pannakaipatungpal dagitoy.
