Nagtaripnong babaen ti telepono da Chinese President Xi Jinping ken ni Russian President Vladimir Putin tapno dakamaten ti sitwasyon idiay Middle East.
Segun kenni Xi, saan a rumbeng a maaramat iti kinaranggas kas solusyon iti problema sangalubongan agsipud ta nakarkaro na laeng a nayunan ti rurod ken sakit nakem ti tunggal partido.
Impaganetget na a dagiti karaman iti gyera, nangruna iti Israel, ket nasken a talnaanen ti operasyo-militar da iti kabiitan a daras. Panggep na a mapasardeng ti gyera, sakbay pay nga agwaras daitoy iti ruar ti rehiyon.
Innayon pay ni Xi a nakasagana iti China a papigsaen iti komunikasyon ken pannakikoordinar dagiti amin a dasig, kasta met a tarigagay ti Beijing nga itandudo ti linteg ken takderan iti positibo nga akem para ti panagsubsubli manen iti kinakapia idiay Middle East.
