Inlistan ti UNESCO iti “Xixia Imperial Tombs” kas paset ti prestihiyoso a World Heritage List, maysa a dakkel a nayon iti nabaknang a tawid ti kultura ti China.
Impamatmat ti inskripsyon iti kinapateg ti sangalubongan a kultura ken pakasaritaan daytoy, ken mangparparegta iti lubong a takwaten iti maysa a napateg a kanito iti East Asia a masarakan iti west Yinchuan, kapital ti Ningxia Hui Autonomous Region.
Iti Xixia Imperial Tombs ket addaan ti nalawa a disyerto, siyam a mausoleum dagiti emperador, ken nasurok a 270 dagiti tombs a nakaikali.
Mabigbigbig met daytoy kas “Oriental Pyramids” gapo iti naidumduma a disenyo ken monumento, dagiti tanem ket nagserbi kas napateg a paset ti pakasaritaan ken kultura ti sinauna a Tsina.
Iti Xixia wenno Tan-gut Empire manipud 1038-1227 AD ket maysa a namaris ken estratehiko a sibilisasyon iti Silk Road, a nalatak kadagiti naisangsangayan a kontribusyon iti kultura, irigasyon, ken kalakan.
Iti laksid kadagiti balligi ti nasao nga empire ket naan-anay met laeng a nasakop dagiti Mongol ken ado a paset ti pakasaritaan ken tawid nga arkitektura iti napukaw malaksid kadagiti tanem dagitoy.
Dagiti nasao a tombs ket addaan ti naidumduma nga estilo ti arkitektura nga awan ti kapada na kadagiti kadawyan a mounds dagiti dadduma a tombs idiay China.
Dagitoy ket addaan dagiti istruktra a kaar-arni ti pagoda ken iti kangatona ket dumanon ti nasurok 20 a metro, a mamapati a tanem dagiti multi-story tower.#
