Seryoso nga ipatungpal ti Philippine National Police (PNP) iti “zero-tolerance” policy kontra kadagiti abusado a kameng-da.
Segun kenni Philippine National Police Chief General Rommel Francisco Marbil, awan iti lugar iti kameng-da dagiti abusado a pulis ken impaganetget na pay a rumbeng a suroten dagitoy iti PNP-code of conduct.
Maibasar iti Internal Affairs Service manipud Hulyo 2022 agingga Hulyo 2024, dumanon iti nasurok 6,000 kadagiti kameng iti kapulisan iti naikkan iti rekomendasyon kadagiti nagduduma a dusa.
Iti nadakamat a bilang, 2,550 iti naipasango it administrative penalties nu sadino 572 iti nairekomendaran a maikkat iti serbisyo.
Inyunay-unay ni Marbil a babaen iti internal disciplinary mechanism ti Philippine National Police, masiguro daitoy a napartak ken nainget dagiti adding tapno madusa ken makasuan dagiti pulis a mangaramid ken mairaman kadagiti dakes nga aramid.
Allukoyen met ti opisyal iti publiko nga ireport ti iligal nga aktibidad a pakairamanan iti maysa nga pulis nu kasta ket dagos daitoy a masulosyonan.
