LA UNION – Agmaysan a bulanen iti napalabas sipud napasamak iti panangdingupar ti jeepney ken bus idi ili ti Agoo, La Union idi December 25, 2017 ket agtaltalinaed pay laeng a kritikal ti kasasaad iti maysa manipud ti siyam a nasugatan a pasahero.
Sigun kenni Punong Barangay Marivic Bulacan ti Barangay Pilar, Bauang, La Union, agtaltalinaed pay laeng iti intensive care unit (ICU) idiay Ilocos Training and Regional Medical Center ni Ian Antolin.
Nakarruan metten dagiti walo a nasugatan a pasahero ken idiay babbalayda nga agpapaimbag idiay Barangay Pilar.
Kinuna pay ni Bulacan, agsapsapulda ita ti pamay-an no kasano a masukatan iti dara a nausar dagiti biktima.
Maipalagip, 20 iti natay ti napsamaka a panagdinnungpar iti jeepney ken bus idiay ili ti Agoo, La Union agarup alas-3:30 ti parbangon idi Paskua wenno December 25, 2017.
Dumar-ay koma iti Christmas mass iti milagroso a simabaan idiay Manaoag idiay probinsya ti Pangasinan dagiti agkakabagyan idi a napasamak ti trahedya.
