Nabigbigen ti maysa kadagiti suspek iti napasamak a pammaltog idi Valentines Day, Feb. 14, 2018 idiay Baragay San Jose, Rosario, La Union.
Daytoy ket sigud a miembro ti Phil. Marines, a taga Balungao, Pangasinan.
Maipalagip, dead on arrival iti ospital ti biktima a ni Benjamin Bangalit, 53, idi nga paltogan dagiti suspek kalpasan iti panangitulod na iti dua nga anak iti pagadalan.
Makunkuna a sinaed ti riding in tamdem suspek ti biktima kabayatan iti panagawid daytoy.
Maisagsagana met itan ti kaso a maidatag kontra kenni Turalba, bayat nga agtultuloy ti panangsapol dagiti otoridad iti maysa pay kadagiti suspek.
