LA UNION – Maysa nga estudyante iti mapukpukaw idinto a maysa met ti nakalasat manipud iti insidente ti pannakalmes iti kabaybayan idiay Barangay Baccuit Norte Bauang, La Union.
Immuna a naisalba babaen iti saan metten a nainaganan a concerned citizen iti 14-anyos a barito a managan Cris Ducusin, residente ti nasao a lugar, agarop alas 4:00 idi malem kalman.
Kabayatanna, naamwan a maysa pay a katorse anyos a barito, managan Damiene Kennedy Unabia, ti Barangay Dili ti nasao met laeng nga ili iti mapukpukaw, base iti report iti Bauang Police Station iti managan Herminigilda Manzano, 52-anyos, residente ti nasao met laeng a lugar.
Maibasar iti police report, kadwa met laeng ni Ducusin ni Unabia a napan nagdigos iti baybay idi mapasamak ti insident.
Ni Ducusin ket naiturong iti ospital ken adda metten iti natalged a kondisyon bayat a ni Unabia ket itultuloy a sapolen dagiti otoridad ita nga aldaw.
