LA UNION – Maysa a tao ti masap-sapol kalpasan a naipadamag a mapukpukaw idi dimmuprak ti bagyo Marce, segun iti National Disaster Risk Reduction and Management Council (NDRRMC).
Nakailanad pay iti report ti ahensiya, a maysa nga indibidwal ti nasugatan manipud Region 1, ngem madama a maipas-pasidong dagitoy iti validation.
Kabayatanna, dumanon iti nasurok 21,000 pamilya ti naapektaran ti naglabas a bagyo ken nasurok 8,000 ditoy iti agtaltalinaed pay laeng iti evacuation centers ken nasurok 3,000 a pamilya ti temporaryo nga agnanaed iti dadduma a lugar.
Dagiti apektado a pamilya ket manipud Region 1, Region 2 ken Cordillera Administrative Region.
Iti uneg ti 5 nga aldaw a panagduprak ti bagyo Marce ditoy pagilian, nanggubway daytoy ti tallo nga insidente ti landslide idiay Region 2.
Dinadael pay ti bagyo ti pakabuklan a 273 a babbalay iti Region 1, 2 ken CAR ken 6 iti totally damaged.
Nakapadas met ti nakaru a perdisyon iti probinsiya ti Cagayan kalpasan a nag-landfall sadiay ti namindua a daras ti bagyo Marce .
Idi Biyernes a naan-anay a rimwar iti Philippine Area of Responsibility iti bagyo Marce.
