LA UNION – Sapsapulen iti pulisya dagiti tallo a lallaki a maipagarup a nangbagsol ti kadduada a nagiinom idiay Barangay Cabaroan, ili ti Bacnotan, La Union kabayatan a mailaglagip ti Holy Week.
Iti report a nakalap ti Bombo Radyo manipu idiay Bacnotan Police Station, nabigbig ti biktima a ni Rogelio Alcantara, 43, mannalon, a maipagarup a nagtitinnulongan tapno bagsulen dagiti suspek nga isuda Anthony Balla, John Rey Balla, ken Danilo Balla Jr., agpada nga agnanaed iti nasao a lugar.
Sakbay a napasamak ti krimen, maipagarup a naragsak nga agiinom dagiti nadakamat a lallaki kasaruno iti panagsubang dagitoy a nagbanag ti panangbagsolda iti biktima.
Nagpartak a naglibas dagiti suspek kalpasan ti insidente.
Agpapaimbag itan idiay ospital ti biktima gapu kadagiti nilak-amna a sugat manipud ti pannakabagsol.
