LA UNION – Malamlamayan ita ti 26-anyos a lalaki a natay kalpasan a madungpar daytoy iti motorsiklo idiay Barangay Victoria, ili ti Luna, La Union.
Nabigbig ti natay a ni Jhesar Jiminez, residente ti Barangay Rimos 3 iti nasao nga ili.
Naammuan ti Bombo Radyo manipud idiay Luna Police Station, kabayatan a bumalballasiw ni Jimenez ket killaat a dinungpar daytoy iti motorsiklo a manmanehuen ni Rogelio Niro, 20, ken ti kalubbonna a ni Erwin Nucion, 28, ti Barangay Magallanes iti nasao nga ili.
Dead on arrival idiay Balaoan District Hospital ni Jimenez gapu iti nakaru a sugat a nilak-amna iti bagi, kabayatan a naglak-am met iti sugat ti naduma-duma a paset iti bagida dagiti agkalubbon ti nasao a lugan.
Ur-urayen met iti pulisya ti pangngeddeng ti pamilya iti natay ken dagiti agkalubbon iti motorsiklo para iti pagpabanagan ti kaso. (Absalom Flores)
