LA UNION – Dead on arrival iti Ilocos Sur District Hospital idiay ili ti Tagudin, Ilocos Sur ti maysa a baro bayat a dua met ti nasugatan iti napasamak a panagdinnungpar ti dua nga motorsiklo iti kawatiwatan ti national highway ti Bangar-Luna Road idiay Barangay Nagsabaran, Bangar, La Union.
Nabigbig ti pimmusay a biktima a ni Clarence Limos, residente ti Barangay Rimos # 5, idiay ili ti Luna, La Union.
Kabilang iti nasugatan da Arthur Adillo, 30, residente ti Barangay Nagtenga idiay probinsya ti Ilocos Sur ken ni Martin Estpiritu, 18, residente ti Barangay Rimos #5.
Base iti nakalap nga report ti Bombo Radyo manipud iti Bangar Police Station, agpada a daldalyasaten ti dua nga motorsiklo iti kalsada manipud iti agduma a direksyon.
Maipagarop a nag-overtake ti motorsiklo a minaneho ni Limos a nagbanag iti panagdinnungpadar da ti motorsiklo ni Adillo.
Agpapada a nagsagaba dagitoy ti multiple injury gapu iti aksidente.
Agtultuloy met iti ar-aramiden nga imbestigasyon dagiti otoridad maipapan iti daytoy.
