Adda itan iti aywan ti Provincial Environment & Natural Resources Office ti 10 feet a kaatiddag ti bellat nga natiliw iti uneg ti La Union National High School a masarakan idiay Barangay Catbangen, San Fernando City, La Union.
Iti pannakiuman ti Bombo Radyo La Union kenni James Parrocha, forest ranger ti PENRO, La Union, dagusda a nagturong iti pagadalan apaman a maipakaammo kadakuada ti natiliw nga uleg.
Segun kenkuana a mabalin nga adda anak na ti uleg no sadino inladawan na daytoy a saan pay a nangan idi a matiliw.
Inallukoy ni Parrocha dagiti tattao a dagus nga iyuman iti Department of Environment & Natural Resources no adda makitada nga anya a kita ti wildlife.
Mabalin met a mamulta dagitoy no ilako wenno sidaenda kas sagudayen iti RA 9147.
Kinuna met ni Brenda Sabado, isu ti principal ti La Union National High School a nasarakan iti uleg dagiti kameng ti coast guard iti daya a paset iti nakaipatakderan ti Aralin Panlipunan building.
No maibasar iti kaadda na ti pagadalan ket daytoy iti umuna a gundaway nga adda nasarakan nga uleg sadiay.
Iti sabali a bangir, kinuna met ni June Manangan, Administrative Aid LUNHS, siguden nga adda matiltiliwda a uleg ngem daytoyen iti kadakkelan.
Kabayatanna, segeun kenni CG PO2 Julius Guray, Officer in Charge ti Coast Guard, bayat iti panagdaldalosda idi nga immakarda iti maysa a lugar kasaruno ti panagpaarayat ni Manangan a nakakita iti uleg.
Maibasar iti panangtiliwda iti uleg ket nakitada a lumaban daytoy.
Mainaeg iti daytoy, posible nga immakar ti uleg iti nadalos a manipud iti umok dagitoy tapno agsapol iti kanenda.
