LA UNION – Makapadas ti 10 oras a power interruption iti walo nga ili ditoy La Union partikular iti segundo distrito ken uppat met idiay probinsiya ti Pangasinan, inton aldaw ti Sabado, Abril a-7 ti agdama tawen.
Daytoy iti indanon nga abiso ti National Grid Corporation of the Philippines (NGCP).
Kabilang kadagiti walo nga ili ditoy La Union nga apektado, ket amin a consumer ti La Union Electric Cooperative (LUELCO) idiay Aringay, Caba, Agoo, Tubao, Pugo, Sto Tomas, Rosario ken sumagmamano a paset ti Bauang, La Union.
Idiay met Pangasinan, apektado iti ili ti Sison, Pozurrubio, San Fabian ken San Jacinto.
Iti maipatungpal a power interruption ket adda pakainaigan na iti aramiden ti NGCP a panangisimpa iti Bauang-San Fabian 69 kV line, distriibution line ti NGCP ken panangsukat kadagiti nadadaelen a linya ti koryente.
Mangrugi daytoy iti oras ti alas 6:00 ti agsapa agingga alas 4:00 ti malem.
