LA UNION – Imbinsa-binsa ni Department of Environment and Natural Resources (DENR) Secretary Roy Cimatu dagiti sangapulo a priority programs ti dadaulwanna nga opisna ita a tawen 2018.
Iti naangay a management conference ti DENR idiay Manila, kinuna ni Sec. Cimatu a nasaysayaat a rugyan iti umuna bulan iti tawen nga agtinnunos ken agkaykaysa ti tunggal rehiyon tapno maipakat a nasayaat dagiti kangrunaan a programa ti ahensiya.
Impaganetget ti opisyal iti kinapateg ti pannakipaset iti tunggal maysa tapno agbilligi ti pannakaipatungpalda kadagiti programa ti DENR.
Sinaggaysa a dinakamat ni Sec. Cimatu dagiti nasao a programa ken dagiti opisyal a mangidaulo kadagitoy a pakairamanan ti Land Management ken Forest Protection nga idaulwan ni Undersecretary Ernesto D. Adobo, Jr.; National Greening Program, ken Ecosystems Research and Development nga imatunan ni Undersecretary Jonas R. Leones; ni Undersecretary Analiza R. Teh para iti Climate Change, Geohazard Assessment, ken Ground Water Assessment and Responsible Mining; ni Undersecretary Juan Miguel T. Cuna iti mangaywan para iti Clean Air ken Biodiversity Management; OIC-Undersecretary Mariz Paz G. Luna iti Clean Water; ken ni Undersecretary Noel K. Felongko met iti Solid Waste Management.
Kabayatanna, immunan a rinugyanen ni Sec. Cimatu iti pannakapasengked kadagiti enforcement capabilities dagiti PENROs ken CENROs kas frontliners a mangtaming kadagiti pakaseknan nga addaan ti pakainaigan ti saritaan para ti aglawlaw kangrunaan iti panagminas wenno minning.
Agtalinaed met iti immunan a pammilin ti sekretaryo idi napalabas a tawen seknan iti panagkasapulan kadagiti abogado a mangpapartak iti pannakataming iti kaso seknan ti sangaparsuaan a naidatag kadagiti field offices.
