Maag-agasan iti ospital dagiti nasugatan a pasahero kalpasan a natumba ti maysa a pampasahero nga jeep bayat a sumangsang-at iti kabantayan a paset ti Sitio Pising ti Barangay Pulipol iti ili ti San Gabriel, La Union.
Iti pannakiuman ti Bombo Radyo kenni S/Insp. Antonio Dasalla, hepe ti San Gabriel Police Station, kinuna na a nadadael ti differential pinion gear ti nasao nga lugan a minaneho ni Joseph Cabinta, 49, residente ti Barangay Bayabas, San Gabriel bayat a dumaldalyasar daytoy iti agpasang-at a kalsada.
Nagsunod ti lugan ken natumba iti kalsada.
Dagus met a naiturong iti ospital ti 10 a nasugatan nga pasahero tapno matameng.
Kabilang iti nakaro a nagsagaba ti sugat iti nadumaduma a paset ti bagida ken agtaltalinaed iti Ilocos Training and Regional Medical Center iti syudad ti San Fernando, La Union ket da Regine Hidalgo, 15, residente ti Sitio Cobot, Barangay Balbalayang; Melicio Diza, 63, residente ti Barangay Bayabas; Eduardo Pasian Sr., 60, agnanaed iti Sitio Sasaig, Daking; bayat a dagus a nakaawid iti pagtaenganda da dagiti nataming iti San Gabriel Municipal Health Office da Josephine Diza, 64y; Crystal Rovero, 14; Erlinda Ballito, 35; Estela Cerili, 60; Esperanza Valencia, 85; Sophia Camilo, 55, agpapada nga residente ti Baranagy Lon-oy; ken Cathy Calpo, 38, Balbalayang iti nasao nga ili.
Nagasat met ti driver a saan daytoy a nasugatan.
Agtultuloy pay ti imbestigasyon ti pulisya iti napasamak nga aksidente tapno maamuan ii pagsungbatan ti driver.
