LA UNION – Ngumatngato ti bilang dagiti natay ken mapukpukaw a residente idiay Nepal gapwanan ti nalawa a panaglayos ken landslide, a gapwanan ti dua aldaw nga awan sarday a panagtudtudo, partikular iti kapital ti pagilian a Kathmandu.
Iti kauddian a report, umaboten ti 100 dagiti natay ken 69 iti mapukpukaw ken agtultuloy a sap-sapolen dagiti otoridad kagiddan ti agtultuloy a napigsa a panagtudo.
Ribu a babbalay iti nalned ti layos gaputi panaglupyas dagiti karayan ken waig ken adu a lugan iti nagaburan iti landslide iti nasao a pagilian.
Kabayatanna, innem a football player iti mapapati a natay iti napasamak a landslide iti Nepali football association’s academy idiay Makwanpur district, a masarakan iti abagatan-a-laud a paset ti siyudad ti Kathmandu.
Iti agdama, umabot metten ti 3,000 nga indibidwal ti na-rescue manipud iti nangato a layos ken adu a pagbiagan iti naperdi iti kalamidad.
Kabayatanna, inallokoy ti Nepalese Government a liklikan pay laeng iti unnecessary travel nangruna iti rabii gapu kadagiti landslide ken pannakadadael iti adu a kalsada.
Immuna ti daytoy, imbaga ni Government spokesperson Prithvi Subba Gurung a maysa a makagapo iti napartak a panagngato ti layos ket iti pannakadadael ti sumagmamano a waterpipes a nakaapektaran iti operasyon dagiti telephone ken sumagmamano a powerlines.
