LA UNION – Agtaltalinaed iti kapigsa ti bagyo Gener bayat nga umas-asideg iti Northern Luzon.
Iti 11:00 pm Tropical Cyclone Bulletin #6 ti PAGASA-DOST, naudi a nasaripatpatan ti sentro ti Tropical Depression Gener iti kabaybayan idiay Palanan, Isabela, kabuyogna iti kapigsa ti angin a 55 km/h ken kapegges a dumanon iti 70 km/h.
Dup-dupagenna iti pa-laud a direksiyon iti kapartak a 25 km/h.
Segun iti PAGASA, ti bagyo GENER ket nam-namaen nga ag-landfall idiay Isabela wenno Aurora ita a rabii wenno inton bigat, kalpasanna, agturong iti kabaybayan ti Ilocos Sur, La Union, wenno Pangasinan inton bigat (17 September).
Iti tropical cyclone ket agturong iti laud a direksiyon idiay West Philippine Sea agingga Miyerkoles (18 September) sakbay nga agturong iti amianan-a-laud inton Huwebes (19 September) agturong idiay southern mainland China.
Ti bagyo GENER namnamaen a rumuar iti Philippine Area of Responsibility (PAR) inton bigat ti rabii wenno agsapa ti Miyerkoles.
Idiay West Philippine Sea, namnamaen a pumigsa ti bagyo GENER wenno dumanon iti tropical storm category rabii ti Martes wenno agsapa ti Miyerkoles.
Nakangato ti Tropical Cyclone Wind Signal No. 1 iti sumaganad a lugar:
Cagayan, Babuyan Islands, Isabela, Quirino, Nueva Vizcaya, Apayao, Kalinga, Abra, Ifugao, Mountain Province, Benguet, Ilocos Norte, Ilocos Sur, La Union, Pangasinan, Zambales, Tarlac, Nueva Ecija, northern portion ti Bulacan (Doña Remedios Trinidad, San Miguel, San Ildefonso, Baliuag, San Rafael), northern portion ti Pampanga (Porac, Angeles City, Magalang, Arayat, Mabalacat City, Floridablanca, Santa Rita, Guagua, Bacolor, City of San Fernando, Mexico, Santa Ana, Candaba, San Luis, San Simon, Santo Tomas, Apalit, Minalin), Aurora, northern portion ti Quezon (General Nakar, Infanta, Real) ken Polillo Islands.
Kabayatanna, maysa pay a Low Pressure Area (LPA) iti ruar ti Phil. Area of Responsibility (PAR) ti banbantayan ti PAGASA.
Ti Tropical Storm “Pulasan” ket nasaripatpatan iti kaadayu a 2,190 kilometro daya ti Central Luzon. Kabuyog na ti kapigsa ti angin a 65 kilometro kada oras, asideg iti sentro ken kapegges a dumanon iti 80 kilometro kada oras.
Agtur-turong iti laud amianan-a-laud iti kapartak a 35 kilometro kada oras.
Kabayatanna, iti Southwest Monsoon wenno habagat ket mangipapaay ti panagtudtudo idiay Southern Luzon, Visayas, ken Mindanao.
