LA UNION – Kinumpirma ti Inter-Agency Council Against Trafficking (IACAT) ken ti Philippine Embassy idiay Cambodia iti desisyon ti korte idiay Kandal, Cambodia idi Disyembre 2, 2024, a napaneknekan a nagbasol wenno naglabsing ti linteg iti nasao a pagilian dagiti 13 a masikog a Filipina, partikular iti human trafficking ken sexual violations.
Dagiti 13 ket kabilang iti 20 a Pilipino a naarestar gaputi partisipasyon da iti illegal surrogacy idiay Cambodia.
Iti tulong ti Philippine Embassy idiay Cambodia ken IACAT, pito kadagiti 20 a Pinay a naaresto ngem saan pay a masikog iti naisalbar ken na-repatriate ditoy Pilipinas idi Oktubre 2024.
Agtultuloy iti panangikagumaan ti IACAT a tulongan ken protektaran dagiti biktima ti human trafficking, isunga nagpatulod da ti delegasyon idi Nobyembre 2024 tapno bisitaen dagiti 13 Filipina ken makitaripnong kadagiti opisyal ti Cambodia seknan iti kasasaad dagitoy.
Adda man ti nagdumaan iti opinyon ti dua a pagilian, impaganetget ti Pilipinas a dagiti Pinay ket biktima laeng ti human trafficking, a saan a rumbeng a mausig.
Ngem kinuna dagiti opisyal ti Cambodia, napateg iti partisipasyon da iti illegal surrogacy isunga impatungpal da ti linteg kontra kadagitoy.
Malidayan ti IACAT iti dua a tawen a pannakaibalud a naipataw kadagiti 13 a masikog a Filipina, ngem bigbigen da iti polisiya ti Cambodia kontra surrogacy ken iti pannakaibaba ti pannusa, manipud 15-20 a tawen a pannakaibalud, a nagbalin laengen a dua a tawen.
Iti nasao nga insidente, impaganetget ti IACAT iti kinapateg ti panangpalawa ti ammo ken panang-papigsa iti kampanya kontra kadagiti modus a mangus-usar kadagiti Pinay iti illegal surrogacy.
Nagkari iti IACAT nga itultuloy da a tulongan dagiti apektado a babbai ken agtultuloy nga imbestigasyon tapno maidatagan ti kaso dagiti recruiters a responsable iti trafficking.
