Nangipila ita nga aldaw ti kaso-kriminal iti Bureau of Customs (BOC) sadiay Department of Justice kontra kadagiti 14 nga indibidwal mainaig iti misdeclared agricultural products.
Karaman kadagiti respondents ket agtagikua iti Berches Consumer Goods Trading, dagiti mangibagi kadagiti importers, ken uray sumagmamano a kameng ti Customs.
Segun kenni Customs Commissioner Ariel Nepomuceno, innem a shipments iti naideklara kas “chicken lollipops” tapno laeng mailemmeng ti aganay 15K a sako a fresh white onions ken 2,164 a kahon ti imported carrots nga awan iti
kasapulan a regulatory clearance – patta-patta a P17.5M a gatad dagiti produkto.
Karaman kadagiti reklamo ti panaglabsing iti Section 1401, in relation to Sections 1400 ken 117 ti Republic Act No. 10863 wenno Customs Modernization and Tariff Act.
Impaganetget ni Nepomuceno a pagsungbaten ti BOC, saan laeng a dagiti karaman iti smuggling, nu ketdi agraman dagiti opisyales ken empleyado a makipaset iti ilegal nga aramid.
