BR LA UNION – Agtaltalinaed iti kustodiya ti Bureau of Customs dagiti walo kadagiti 18 a luxury cars ni sigud nga Ako Bicol parylist Rep. Zaldy Co.
Dagiti ngi-ngi-naen a lugan ket kinumpiskar ti BOC sipud idi bulan ti Enero, mainaig pay laeng iti kurapsyon iti flood control projects.
Naiturong iti BOC compound idiay Manila dagiti nasao a lugan manipud Independent Commission on Infrastructure.
Nalpas ngaminen ti termino ti Independent Commission for Infrastructure (ICI) idi Marso 31, 2026.
Nu mapaneknekan ti Customs a kuwestiyonable iti dokumento dagiti lugan ket mabalinen nga ipa-auction dagitoy.
