LA UNION – Umaboten ti 14 a tattao ti natay iti sabali manen a panagbettak idiay Lebanon.
Maibasar iti report, bimtak dagiti handheld radio wenno maaw-awagan a ‘walkie-talkie’ iti naduma-duma a paset ti Lebanon.
Umabot metten iti nasurok 450 a tattao dagiti nasugatan idiay Dahiya, Beirut a pagnanaedan iti adu a Hezbollah fighters.
Ti nasao nga insidente ket napasamak, maysa nga aldaw kalpasan a bimtak dagiti pagers a nakatayan ti 20 nga Hezbollah ken nakasugatan ti nasurok 2,000 a tattao.
Gaputi dayta, binalakadan ti gobyerno ti Lebanon dagiti umili a liklikan pay laeng ti agusar kadagiti communications gadget a mabalin a target ti Israel.
Atapen ti Lebanon a ti adda iti likod ti insidente ket iti Mossad, nga spy agency ti Israel.
