LA UNION – Pinadayawan iti liderato ti La Union Philippine National Police (LUPPO) dagiti 14 a policewomen kagiddan iti selebrasyon ti Women’s Month 2018 ditoy probinsiya ti La Union.
Segun kenni Senior Inspector Friana Ann Casuga, hepe ti Women and Children’s Protection Desk (WCPD) ti LUPPO, dagiti napili a pulis a babbai nga awardees ket addaan napapateg a kontribusyon kadagiti programa iti women and children protection desks, family and juvenile development, ken dadduma pay.
Dagiti awardees ket manipud iti nadumaduma nga istasyon ti pulisiya iti intero a probinsiya ti La Union.
