BR LA UNION – Pakabuklan a 15 a kaso ti monkeypox wenno mpox ti nailista iti tallo a probinsiya idiay Mindanao.
Manipud iti nasao a bilang, 10 a kaso ti nailista idiay South Cotabato, tallo idiay Sultan Kudarat, ken dua idiay Maguindanao del Norte.
Iti mpox ket maysa a viral infection a maiyakar babaen iti intimate nga skin-to-skin contact wenno panagusar iti kontaminado a banag a kas ti bado, tuwalya, ken personal items.
Segun kadagiti health experts, napateg a pagtalinaeden ti umno a kinadalus iti bagi tapno maliklikan iti panagwaras ti impeksyon.
Kabilang ditoy iti regular a panagugas ti ima babaen ti sabon ken nadalus a danum.
Sumagmamano kadagiti sintomas ti mpox a nasken a bantayan ket iti kaadda ti skin rash wenno mucosal lesions a mabalin nga agpaut ti dua agingga uppat a lawas.
Mapakuyugan pay ti panaggurigor, panagsakit ti ulo, muscle aches, panagsakit ti likod, panagkapsot ken swollen lymph nodes.
