Awanen iti biag na idi a masarakan ti bagi na ti maysa a bakasyonista iti igid ti baybay a sakopen iti Barangay Panicsican, San Juan, La Union.
Iti pannakiuman ti Bombo Radyo La Union kenni Gino Mabalot, Provincial Dissater Risk Management Officer, kinuna na a agtawen ti 17, maysa a lalaki ket manipud iti Baguio City ti biktima.
Segun kenni Mabalot, alas 12:20 itay tenga ti rabii idi a masarakan dagiti local recuers iti bagi ti biktima.
Naamuan a simmalog ditoy La Union ti biktima kadua ti pamilya daytoty para iti maysa a family outing.
Innayon pay ni Mabalot a nagtitinulongan dagiti nadumaduma nga ahensya ti gobierno ken dagiti local rescuers ti panangsapol iti bagi ti saanen a nainaganan a biktima.
Iti sabali a bangir, binalakadan met ni Mabalot ti publiko nga agannad agsipudta adda latta dagiti aksidente a saan a namnamaen kangrunaan na ti panagannad iti deadly virus.
