Inladawan dagiti 18 a sigud a kameng ti Philippine Marine ti wagas nu kasatno iti panang-deliver kadagiti maleta ti kwarta a tinakaw ni Representative Elizaldy “Zaldy” Salcedo Co manipud ti pondo ti pagilian.
Segun kadagiti Marines, uray nu saan pay a naal-ala dagiti kontratista ti kontrata da kadagiti proyekto ket marugianen ti panag-remit da ti kwarta ti balay ni Co idiay Pasig City.
Mabilang ti kwarta ken maiturong iti penthouse na idiay Bonifacio Global City, Taguig. Kalpasanna ket maipatulod ton daitoy kadagiti nagduduma nga indibidwal ken politiko.
Mainaig kadaitoy ket inbinglay pay dagiti 18 a Marines a nangipatulod da ti aganay P805-B kadagiti saanen a nainaganan pay nga opisyales ti gobierno. Napagammoan a naibaon da nga isukat ti $2-M wenno agarop P115.3M million a nairanta para kadagiti imbestigador ti International Criminal Court, a naiturong met kenni sigud a Senador Antonio Trillanes IV.
