BR LA UNION – Umabot ti 18 a tattao a pakaibilangan dagiti lima nga ubbing, ti natay iti napasamak nga stampede iti istasyon ti tren idiay New Delhi, India.
Napasamak ti insidente idi rabii ti Sabado, Pebrero 15, kalpasan a nagdidinnuron dagiti tattao nga aglugan ti tren, tapno agturong iti kadackelan a festival ditoy lubong, nga Kumbh Mela.
Segun kadagiti otoridad, napasamak ti stampede gaputi panagi-innuna dagiti deboto nga aglugan ti tren, agturong iti Great Pitcher Festival nga agleppas inton Pebrero 26.
Inladawan dagiti local authorities iti pasamak a kapeligruan iti New Delhi Railway Station kumpara iti naglabas a atawen.
Dagus a nangipeksa ti pannaki-simpatiya kadagiti naulila a pamilya ni Prime Minister Narendra Modi.
Iti Kumbh Mela ket maysa nga innem a lawas a gatherings a dar-dar-ayan dagiti nasurok 500 a milyon a deboto nga hindu.
Maipalagip nga idi Enero 29, 2025 ket nailista ti kangatuan a bilang dagiti deboto a nakipaset iti nasao a festival para ita a tawen, ngem adda met laeng napasamak nga stampede a nakatayan ti nasurok 50 a tattao gaputi panagi-innuna da nga agturong nga agdigos iti ibagbaga da a holy river idiay North India.
Ti nasao a festival ket masansan a mapak-pakuyugan ti pasamak nga stampede maibasar iti pakasaritaan, a pakaibilangan idi 1954 a nakatayan ti nasurok 400 a tattao ken maysa pay idi 2013 a nakatayan ti 36 a tattao.
