BR LA UNION – Agpanpanawagan ita ti hustisya iti nagannak ti maysa a 6-anyos nga ubing a lalaki a natay kalpasan ti maipagarop a panangtungpa ti maestra na bayat ti klase idi Biyernes, Agosto 21, 2026 idiay Visakhapatnam, Andhra Pradesh, India.
Maibasar iti report, nakapungtot ti maestra gapu iti kurang nga assignment ti ubing.
Pina-asideg ti maestra iti estudyante, maipagarop a ginuyod na ti kwelyo ti uniporme ti ubing ken tinungpa na.
Bayat a nakatakder iti sango ti maestra, kellaat lattan a napukaw ti puot ti ubing agingga a natuang iti bagi ti maestra.
Dagus a naiturong iti ospital, ngem idi agangay ket naideklara a natayen daytoy.
Segun iti ama ti ubing, nasalun-at ken naganaygay ti anak na a simrek iti pagadalan ken maipagarop nga awan ti sag-sagabaenna a sakit
Mamati iti pamilya nga adda pakainaigan ti pannakatay ti ubing iti insidente ti panangtungpa, nbgem saan oag nga inruar dagiti maseknan nga otoreidad iti eksakto a makagapo ti pannakatay ti ubing.
Saan a dagus a naala ti pamilya iti bangkay ti ubing agsipudta maipaspasidong daytoy ti imbestigasyon.
Mainaig ti daytoy, naipaganetget manen ti isyu a physical abuse kadagiti pagadalan idiay India, nangruna kadagiti ubbing a naggapo iti nakurapay a pamilya, a kabilang iti sektor a mas vulnerable iti nasao a klase ti panagabuso.
