BR LA UNION – Adda ti 19 a lugar ditoy pagilian iti makapadas ti “danger level” a heat index ita nga aldaw ti Miyerkoles.
Segun iti Philippine Atmospheric, Geophysical and Astronomical Services Administration (Pagasa), iti siyudad ti Dagupan ti probinsiya ti Pangasinan ket mabalin a makapadas ti agingga 44 degree celcius a bara ti panawen.
Bayat nga umabot met iti 43 degree celcius iti namnamaen kadagiti lugar ti Sangley Point idiay Cavite City; Virac, Catanduanes ken Butuan City idiay Agusan del Norte.
Dagiti met lugar a makapadas ti agingga 42 degrees celcius ket pakaibilangan ti : Echague, Isabela; Iba Zambales; Cubi Pt., Subic Bay, Olongapo City; San Ildefonso, Bulacan; Camiling, Tarlac; Cuyo, Palawan; Roxas City, Capiz; Iloilo City; Panglao International Airport, Bohol; Catarman, Northern Samar ken Dipolog, Zamboanga del Sur.
Idiay Metro Manila ket namnamaen ti 41 degree celcius a temperatura a marikna idiay Ninoy Aquino International Airport (NAIA) siyudad ti Pasay ken 40 degree celcius iti Science Garden idiay Quezon City.
Iti temperatura nga agay-ayam iti 42 agingga 51 degree celcius ket ibilang ita ti PAGASA nga adda iti danger category bayat a dagiti adda iti 33 degrees celcius agingga 41 degree celcius ket maibilang iti “extreme caution” category.
